السلام عليكم
ليه الباب ده؟ هو احنا مش بنحب مصر علشان نقعد نتكلم...
بصراحة اللي بيحصل دلوقت يستاهل نسأل السؤال ده (مين اللي بيحب مصر؟).. خاصة إن الإعلام باظ و بصراحة مبقاش ينزل لحد من زور.. و بصراحة برضه مابقيناش عارفين مين الصح و مين الغلط.
هما طلبة الأزهر غلابة.. ولا ميليشيات؟
هي التعديلات الدستورية علشان مصلحة البلد.. ولا الهبل في الجبل زي ما أغلبيتكم بيقول؟
هي الإخوان جماعة إرهابية و لا إصلاحية و لا حلزونية؟
هي الحكومة ممشية البلد آخر حلاوة زي ما بتقول تصريحاتها.. و لا الفساد على قفا مين يشيل؟
و في ظل هذا التوهان.. أختلط علينا الأمر... ومابقيناش عارفين... مين اللي بيحب مصر..
قررنا ان احنا من هنا... كناس بتحب مصر.. نحط القواعد و القوانين و الدساتير.. اللى من خلالها نقدر نحدد مين اللي بيحب مصر بجد.. مش بيستهبل علينا وعلى الشعب.....
وعلى هذا.. مستنيينكم معانا في بابنا الجديد:
بنحبك يا مصر
